खेळ

लेक काल रुस्सून बसली;
हट्टून बसली
साबणाच्या फुग्याचा खेळ हव्वाच;
म्हणून अडून बसली

जाऊदेत दहा रुपयासाठी कुठे मन मोडायच?
म्हणत मी हि दिलं घेऊन ते कचकड्याच खेळणं
आणि बसले बघत तिचं ते 'बुडबुड्यांच्या' मागे पळणं

लहान आहे तोवर खेळेल, रमेल
मोठी झाली कि आपोआप हे थांबेल
बुडबुड्यांच्या जगाची जागा
तिची तिलाच कळेल

कळेल का?
कि प्रत्येक वयाचे बुडबुडे वेगळे
हे सत्य तेव्हढ मागे उरेल?

- कविता नवरे
२८/११/2018