सकाळी उठोनी
व्हॉटस ऍप बघावे
"सुप्रभात वचने"
ढकलून यावे
फ़ेसबुकाचेही मग
उघडावे पान
बड्डेच्या तारखांचे
तो देईल भान
मायबोलीवर ही
मारावी चक्कर
डुप्लिकेट आयडीने
कुठे द्यावी टक्कर
कुठे कोण शिंकला
'टेक केअर' म्हणावे
शेजारी खपल्याचे
फ़ेसबुकवर कळावे
'RIP', 'You Rocks'
असावे हाताशी
एका क्लिकवर
निभती कर्तव्य, नाती
असे नित्य नेमाने
सदा आचरावे
स्टे कनेक्टेड हे
जगा दाखवावे
कोणत्याही टिप्पण्या नाहीत:
टिप्पणी पोस्ट करा